இன்னும் 4 ஆண்டுகளுக்குள் சிறு, குறு, நடுத்தரத் தொழில்களில் 2 லட்சம் கோடி ரூபாய் தொழில் முதலீடு செய்ய திட்டமிடப்பட்டுள்ளது.

இதன் மூலம் புதிதாக 20 லட்சம் பேருக்கு வேலைவாய்ப்பு கிடைக்கும்.

முதலமைச்சர் எடப்பாடி கே பழனிசாமி  இன்று வெளியிட்டுள்ள சிறு, குறு, நடுத்தரத் தொழில் கொள்கை 2021–ஐ வெளியிட்டார்.

இந்த தொழிற்கொள்கையை முதலமைச்சர் எடப்பாடி பழனிசாமி வெளியிட ஊரகத்தொழில்துறை அமைச்சர் பா.பென்ஜமின் பெற்றுக்கொண்டார்.

புதிய குறு, சிறு மற்றும் நடுத்தரத் தொழில் நிறுவன கொள்கையின் சிறப்பம்சங்கள் வருமாறு:–

தமிழகத்தில் சுமார் 22.69 லட்சம் பதிவு செய்யப்பட்ட நிறுவனங்கள் ரூ.2,57,089.75 கோடி முதலீட்டில் சுமார் 1 கோடியே 45 லட்சத்து 6 ஆயிரம் பேருக்கு வேலை வாய்ப்புகள் வழங்குகின்றன. மாநிலத்தில் உள்ள குறு, சிறு மற்றும் நடுத்தரத் தொழில் நிறுவனங்கள் உள்நாட்டு மற்றும் சர்வதேச சந்தைகளுக்கு 6 ஆயிரத்து-க்கும் மேற்பட்ட வெவ்வேறு தயாரிப்புகளை உற்பத்தி செய்கின்றன. புதிய கொள்கையின் முக்கிய சாராம்சங்கள் பின்வருமாறு:-–

கொள்கை இலக்குகள்:-

* தமிழ்நாட்டில் குறு, சிறு மற்றும் நடுத்தரத்தொழில் நிறுவனங்கள் செழித்து வளரவும், மிகவும் துடிப்பான சுற்றுச்சூழல் அமைப்பாக மாற்றவும் திட்டமிடுதல்.

* 2025–ம் ஆண்டுக்குள் இந்த துறையில் ரூ.2 லட்சம் கோடி மதிப்புள்ள புதிய முதலீடுகளை ஈர்த்தல்.

* இத்துறையில் 20 லட்சம் பேருக்கு கூடுதல் வேலை வாய்ப்புகளை உருவாக்குதல்.

* மாநிலத்ததில் குறு, சிறு மற்றும் நடுத்தரத் தொழில் நிறுவனங்களின் ஏற்றுமதி பங்களிப்பை 25% அதிகரித்தல்.

கொள்கை உத்திகள்:–-

புதிய எம்.எஸ்.எம்.இ. கொள்கையில் பின்வரும் கொள்கை உத்திகள் பின்பற்றப்படுகின்றன

1. அந்நிய நேரடி முதலீடு உள்ளிட்ட முதலீட்டை எளிதாக்குதல் (எப்.டி.ஐ.):-

தொலை நோக்குப்பார்வை 2023 ஆவணத்தில் திட்டமிடப்பட்டுள்ளபடி சிறு மற்றும் நடுத்தரத் தொழில் நிறுவனங்களுக்காக ஆசியாவின் மிகவும் விருப்பமான முதலீட்டு இடமாக தமிழ்நாட்டை மாற்றுவதற்கான இலக்கை அடைய, குறு, சிறு மற்றும் நடுத்தரத் தொழில் நிறுவனங்கள் துறையை சார்ந்த குறு, சிறு மற்றும் நடுத்தரத் தொழில் வணிகம் மற்றும் முதலீட்டு மேம்பாட்டு அமைப்பு, வருங்கால வெளிநாட்டு முதலீட்டாளர்களுக்கு வழிகாட்டுதலை வழங்கும்.

முதலீட்டு மேம்பாட்டு அமைப்பு தொழில்முனைவோருக்கு ஒற்றை சாளர இணைய முகப்பில் இருந்து தொழில் நிறுவனங்களை அமைப்பதற்குத் தேவையான அனுமதிகளைப் பெறுவதற்கும், ஊக்கத்தொகை சலுகைகளைப் பெறுவதற்கும் அனைத்து வகைகளிலும் உடனிருந்து உதவும். குறு, சிறு மற்றும் நடுத்தரத் தொழில் நிறுவனங்களின் பெரு நிறுவனங்களுக்கான விற்பனையாளராகும் தகுதியினை குறு, சிறு மற்றும் நடுத்தரத் தொழில் வணிகம் மற்றும் முதலீட்டு மேம்பாட்டு அமைப்பால் அடையாளம் காணப்படும்.

2. தொழில் முனைவு மற்றும் புதுமையின் வளர்ப்பு கலாச்சாரம்:-–

குறு, சிறு மற்றும் நடுத்தரத் தொழில் நிறுவனங்களின் தொழில் முனைவோர் மேம்பாடு மற்றும் புத்தாக்க நிறுவனங்களுக்கான ஐந்தாண்டு மூலோபாய திட்டத்தை 2017- – 2022 வரை தொழில் முனைவோர் மேம்பாடு மற்றும் புத்தாக்க நிறுவனம் செயல்படுகிறது. மூலோபாய திட்டத்தின் ஒரு பகுதியாக ஆண்டுதோறும் குறு, சிறு மற்றும் நடுத்தரத் தொழில் நிறுவனம் தொழில் முனைவோர் மேம்பாடு மற்றும் புத்தாக்க நிறுவனங்கள் உச்சிமாநாட்டை தொழில் முனைவோர் மேம்பாடு மற்றும் புத்தாக்க நிறுவனம் ஏற்பாடு செய்யும்.

கல்வி நிறுவனங்கள், ஆராய்ச்சி மற்றும் வளர்ச்சி ஆய்வகங்கள் போன்ற புகழ்பெற்ற அறிவு கூட்டாளர்களுடன் இணைந்து புதிய அல்லது மேம்படுத்தப்பட்ட தயாரிப்பு, செயல்முறைகள், சேவைகள் போன்றவைகளுக்கான கண்டுபிடிப்பு உறுதிச்சீட்டு வழங்க புதிய தொழில் முனைவோர் மற்றும் குறு, சிறு மற்றும் நடுத்தரத் தொழில் நிறுவனங்களுக்கு வசதி செய்து தரப்படும்.

3. வணிகம் செய்வதை எளிதாக்கி ஆளுமைத்திறனை வலுப்படுத்தல்:–-

* தமிழ்நாடு வர்த்தக வசதி சட்டம், 2018–ன் படி, வணிகம் செய்வதை எளிதாக்க குறு, சிறு மற்றும் நடுத்தரத் தொழில் நிறுவனங்கள் துறை ஒற்றை சாளர இணைய முகப்பை உருவாக்கி செயல்படுத்தியுள்ளது. இச்சட்டத்தில் பரிந்துரைக்கப்பட்ட கால எல்லைக்குள் குறு, சிறு மற்றும் நடுத்தரத் தொழில் நிறுவனங்களுக்கான அனுமதி, சலுகைகள், சட்டரீதியான, ஒழுங்குமுறை அனுமதிகள், ஒப்புதல் போன்றவற்றைப் பெறுவதற்கு குறு, சிறு மற்றும் நடுத்தரத் தொழில் நிறுவனங்கள் துறை தொடர்ந்து வசதி செய்யும். தற்போதுள்ள குறு, சிறு மற்றும் நடுத்தரத் தொழில் நிறுவனங்கள் ஒற்றை சாளர இணைய முகப்பின் மூலம் தங்கள் உரிமங்களை புதுப்பிக்கலாம்.

* புதிய தொழில் முனைவோர் மற்றும் குறு, சிறு மற்றும் நடுத்தரத் தொழில் நிறுவனங்கள் சுய சான்றிதழின் அடிப்படையில் மூன்று வருட காலத்திற்கு ஸ்தாபனம் மற்றும் செயல்பாட்டுக்கான ஒப்புதல்களிலிருந்து விலக்கு அளிக்கப்படும், 3 ஆண்டு காலாவதியாகி ஒரு வருட காலத்திற்குள் அவை கட்டாயம் ஒப்புதல் பெற வேண்டும் என்ற நிபந்தனைக்கு உட்பட்டது.

4. தேவைப்படும் போதிய நிதிக்கான அணுகலை விரிவாக்குதல்:-

* தற்போதுள்ள வேலையில்லா இளைஞர்களுக்கான வேலை வாய்ப்பு உருவாக்கும் திட்டம் மற்றும் புதிய தொழில் முனைவோர் மற்றும் தொழில் நிறுவன மேம்பாட்டு திட்டம் (நீட்ஸ்) போன்ற திட்டங்கள் குறு, சிறு மற்றும் நடுத்தரத் தொழில் நிறுவனங்களின் மேம்பாட்டிற்காக தொடர்ந்து செயல்படுத்தப்படும். குறு, சிறு மற்றும் நடுத்தரத் தொழில் நிறுவனங்களுக்கு தேவைப்படும் போதிய நிதிக்கான அணுகலை விரிவாக்குவதற்காக தமிழ்நாடு தொழில் முதலீட்டு கழகம் மூலம் ரூ.1000 கோடி கூடுதல் மூலதனத்துடன் வழங்கப்படும்.

* தமிழ்நாடு ஈக்விட்டி பங்கேற்பு தொடக்க நிதியின் மூலம் வழங்கப்படும் இந்நிதி தமிழ்நாடு மாநில தொடக்க மற்றும் கண்டுபிடிப்புக்கொள்கை, 2018–ல் திட்டமிடப்பட்டுள்ளபடி ஒரு தொழில்முறை நிதி நிறுவனத்தால் நிர்வகிக்கப்படும்.

* மூலதன மானியம், சிறப்பு மூலதன மானியம், வட்டி மானியம், பின்தங்கிய தொகுதிகள் மற்றும் வேளாண் தொழில்களுக்கான மானியம் மற்றும் பின்-முனை வட்டி மானியம் போன்ற சலுகைகள் குறு, சிறு மற்றும் நடுத்தரத் தொழில் நிறுவனங்களுக்கு கிடைக்கும்.

மானிய உச்சவரம்பு உயர்வு

* குறு நிறுவனங்களுக்கான மூலதன மானிய உச்சவரம்பு ரூ.6.25 லட்சத்திலிருந்து ரூ.25 லட்சமாக உயர்த்தப்படும்.

* சிறு மற்றும் நடுத்தரத் தொழில் நிறுவனங்களுக்கான மூலதன மானிய உச்சவரம்பு மூன்று தவணைகளில் ரூ.50 லட்சத்திலிருந்து ரூ.1.50 லட்சமாக உயர்த்தப்படும்.

* ஆலை மற்றும் இயந்திரங்களில் செய்யப்பட்ட முதலீட்டில் 10% மதிப்புக்கூட்டு வரிக்கு பதிலாக கூடுதல் மூலதன மானியம் ரூ.2.5 லட்சத்திலிருந்து ரூ.5 லட்சமாக உயர்த்தப்படும்.

* பெண்கள், தாழ்த்தப்பட்ட, பழங்குடியினர், மாற்றுத்திறனாளிகள் மற்றும் திருநங்கைகளுக்கான கூடுதல் மூலதன மானியம் ரூ.2 லட்சத்திலிருந்து ரூ.5 லட்சமாக உயர்த்தப்படும்.

* தூய்மையான மற்றும் சுற்றுச்சூழலுடன் இணைந்த தொழில்நுட்பங்களை மேம்படுத்துவதற்கான கூடுதல் மூலதன மானியம் ரூ.3 லட்சத்திலிருந்து ரூ.10 லட்சமாக உயர்த்தப்படும்.

* மருத்துவ சாதனங்கள் மற்றும் உபகரணங்கள், தொழில்நுட்ப ஜவுளி மற்றும் மருத்துவ ஜவுளி, விண்வெளி மற்றும் பாதுகாப்பு, இ.எஸ்.டி.எம், உயிர் தொழில்நுட்பம், ஊட்டச்சத்து மருந்துகள், பெட்ரோ கெமிக்கல் மற்றும் சிறப்பு ரசாயனங்கள், தொழில் 4.0, மின்னணு கழிவு பதப்படுத்துதல் போன்ற கூடுதல் உந்துதல் துறைகள் புதிய வரைவுக் கொள்கையில் திட்டமிடப்பட்டுள்ளது.

மூலதன மானியம்

* உந்துதல் துறை நிறுவனங்களுக்கான சிறப்பு மூலதன மானிய உச்சவரம்பு மூன்று தவணைகளில் ரூ.50 லட்சத்திலிருந்து ரூ.1 கோடியே 50 லட்சமாக உயர்த்தப்படும் குறு, சிறு மற்றும் நடுத்தரத் தொழில் நிறுவனங்களை அளவிடுவதற்கு குறு, சிறு மற்றும் நடுத்தரத் தொழில் நிறுவனங்களுக்கான மாற்று முதலீட்டு நிதி அமைக்கப்படும்.

* மேலும், ஆலை மற்றும் இயந்திரங்களில் ரூ.25 லட்சம் வரை உச்சவரம்புக்கு உட்பட்ட முதலீட்டில் 5% கூடுதல் மூலதன மானியம் புதிய வரைவு குறு, சிறு மற்றும் நடுத்தரத் தொழில் நிறுவனம் கொள்கையில் எதிர்பார்க்கப்படுகிறது. சிறு மற்றும் நடுத்தரத் தொழில் நிறுவனம் பரிமாற்றத்தில் பட்டியலிடுவதற்கான கூடுதல் நிதி உதவி மற்றும் பங்குச்சந்தைகளில் இருந்து மூலதனத்தை திரட்டுதல் ஆகிய வசதிகள் செய்யப்படும்.

* மின்சார வாகன கொள்கை 2019 மற்றும் மின்னணு வன்பொருள் உற்பத்தி கொள்கை 2020–ல் குறு, சிறு மற்றும் நடுத்தரத் தொழில் நிறுவனங்களுக்கு அறிவிக்கப்பட்ட சலுகைகள் செயல்படுத்தப்படும்.

5. பெருகிவரும் உள்கட்டமைப்பு ஆதரவு:-

* தமிழ்நாடு சிறுதொழில் மேம்பாட்டு நிறுவனம் (டான்சிட்கோ) பிளக் மற்றும் ப்ளே வசதிகள், அடுக்குமாடி தொழில்பட்டறைகளை உருவாக்கி குறுகிய கால குத்தகைக்கு கிடைக்கச் செய்தல்.

* ரூ.500 கோடியில் ஒரு கார்பஸ் நிதி உள்கட்டமைப்பு மேம்பாடு மற்றும் பராமரிப்பு நிதியம் தமிழ்நாடு சிறுதொழில் மேம்பாட்டு நிறுவனம் தொழிற்பேட்டைகளை மேம்படுத்துவதற்கு அமைக்கப்படும். ஆரம்பத்தில் ரூ.100 கோடி (50% டான்சிட்கோ மற்றும் 50% மாநில அரசால்) இந்த நோக்கத்திற்காக ஒதுக்கப்படும். இந்த நிதியில் இருந்து 50% வரை செலவில் பங்களிப்பதன் மூலம் தற்போதுள்ள டான்சிட்கோ தொழிற்பேட்டைகளில் தேவைக்கேற்ப கூடுதல் சிறப்பு உள்கட்டமைப்பு வழங்கப்படும். மீதமுள்ளவை பயனர் கட்டணங்கள் மூலம் பராமரிக்கப்படும் என்ற நிபந்தனையுடன் பயனர் தொழில் சங்கங்கள் அல்லது வங்கி கடன்களாக வழங்கப்படும்.

* தனியார் மூலம் உருவாக்கப்பட்ட தொழிற்பேட்டைகளின் உள்கட்டமைப்புகளை ரூ.10 கோடியிலிருந்து, ரூ.15 கோடி வரை உயர்த்தப்பட்டுள்ளது. இதேபோல், தற்போதுள்ள தொழில் நிறுவனங்களின் உள்கட்டமைப்பை மேம்படுத்த ரூ.15 கோடியிலிருந்து ரூ.20 கோடி வரை உயர்த்தப்படும்.

6. திறமையான மனித வளங்களின் கிடைக்கும் தன்மையை மேம்படுத்துதல்:-

தமிழ்நாடு திறன் மேம்பாட்டுக் கழகம் சம்பந்தப்பட்ட திறன்களை முன்னறிவிப்பதற்கும் மேம்படுத்துவதற்கும் ஒரு பயனுள்ள ஒருங்கிணைப்பு அமைப்பை அரசே அமைக்கும். குறு, சிறு மற்றும் நடுத்தரத் தொழில் நிறுவனம் சங்கங்கள், தொழில்துறை பயிற்சி நிறுவனங்கள் மற்றும் கைத்தொழில் மற்றும் வர்த்தகத் துறை ஆகியவை இத்தகைய துறைகளுக்கான தேவை, திட்டமிடல் மற்றும் திறன் பயிற்சி திட்டங்களை ஒழுங்கமைப்பதற்கான வருடாந்திர கணக்கெடுப்புகளை செயல்படுத்த உதவுகின்றன.

7. தேசிய மற்றும் உலகளாவிய சந்தைகளுக்கான அணுகலை எளிதாக்குதல்:-

தேசிய மற்றும் சர்வதேச வர்த்தக கண்காட்சிகள் மற்றும் கண்காட்சிகளில் பங்கேற்பதற்காக குறு, சிறு மற்றும் நடுத்தரத் தொழில் நிறுவனங்களை ஆதரிக்க குறு, சிறு மற்றும் நடுத்தரத் தொழில் வணிகம் மற்றும் முதலீட்டு மேம்பாட்டு அமைப்பு செயலில் பங்கு வகிக்கும். குறு, சிறு மற்றும் நடுத்தரத் தொழில் நிறுவனம் தயாரிப்புகளுக்கான அயல்நாட்டு சந்தைகள் ஆராயப்படும். அயல்நாட்டு வர்த்தக இயக்குநர் ஜெனரலுடன் ஒருங்கிணைந்து மாவட்டங்களில் ஏற்றுமதி திறன்களை ஆராய்ந்த பின்னர் மாவட்டங்களில் ஏற்றுமதி மையங்களை மேம்படுத்துவதில் மாவட்ட தொழில் மையங்கள் செயலில் பங்கு வகிக்கும்.

8. போட்டித்திறன் மற்றும் உற்பத்தித்திறனை மேம்படுத்துதல்-

* குறு சிறு மற்றும் நடுத்தர நிறுவனங்கள் துறையில் சர்வதேச தயாரிப்பு, செயல்முறை தரத்திற்கேற்ப குறு சிறு மற்றும் நடுத்தர நிறுவனங்களிடையே சுற்றுச்சூழல் நிலைத்தன்மையுடன் இணைந்த உற்பத்தி போட்டியை உருவாக்கி வடிவமைத்தல்

* எரிசக்தி தணிக்கை மற்றும் எரிசக்தி பாதுகாப்பு முன்முயற்சி மற்றும் கியூ செர்ட் திட்டம் ஆகியவை உற்பத்தித்திறன் மற்றும் போட்டித்தன்மையை அதிகரிக்க பலப்படுத்தப்டும்.

* எரிசக்தி தணிக்கைக்கான திருப்பிச் செலுத்தும் கட்டணங்கள் மற்றும் தணிக்கை பரிந்துரையை செயல்படுத்துவது பின்வருமாறு மேம்படுத்தப்பட்டுள்ளது.

எரிசக்தி தணிக்கைக்கான செலவினத்திற்கான ஊக்கத்தொகை 50% முதல் 75% அதிகபட்ச உச்சவரம்பு (ரூ.75 ஆயிரத்திலிருந்து ரூ.1 லட்சம்) ஆக உயர்த்தப்பட்டுள்ளது.

இதே போல் பரிந்துரையை செயல்படுத்த தகுதியான உபகரணங்களின் விலைக்கு ஊக்கத்தொகை 25% முதல் 50% வரை ஆக அதிகபட்ச உச்சவரம்பு (ரூ.2 லட்சத்திலிருந்து ரூ.10 லட்சம்) ஆக உயர்த்தப்பட்டுள்ளது.

தரசான்றிதழுக்கான கட்டணங்களை திரும்ப வழங்கும் திட்டத்தில், தேசிய சான்றிதழுக்கு ரூ.1 லட்சத்திலிருந்து அதிகபட்சம் ரூ.2 லட்சமாகவும், சர்வதேச சான்றிதழுக்கு ரூ.10 லட்சமாகவும் உயர்த்தப்பட்டுள்ளது.

குறு, சிறு மற்றும் நடுத்தரத் தொழில் நிறுவனங்களின் சோதனைத் தேவைகளைப் பூர்த்தி செய்வதற்கான வசதிகளை அங்கீகாரத்துடன் வழங்குவதன் மூலம் தற்போதுள்ள அரசு சோதனை ஆய்வகங்கள் மேம்படுத்தப்படும்.

9. சமூக சமத்துவத்தையும் சேர்த்தலையும் வலுப்படுத்துதல்:-

வழக்கமான வேலைவாய்ப்பை ஊக்குவிக்க ஊதிய அடிப்படையிலான மானியம் அறிமுகப்படுத்தப்படும் தற்போதுள்ள வேலைவாய்ப்பு தீவிர மானியம் மறுவரையறை செய்யப்படுகிறது.

குறு, சிறு மற்றும் நடுத்தரத் தொழில் நிறுவனங்கள் 20க்கும் மேற்பட்ட நபர்களுக்கு வேலைவாய்ப்பை வழங்கினால், முதல் மூன்று ஆண்டுகளுக்கு தொழிலாளர் வைப்பு நிதிக்கு (இபிஎப்) க்கு முதலாளியின் பங்களிப்பிலிருந்து திருப்பி வழங்கப்படும்.

10. கொள்கை அமலாக்கத்தின் கண்காணிப்பு மற்றும் மதிப்பீடு:-

இந்த கொள்கையை அமல்படுத்துவது குறு, சிறு மற்றும் நடுத்தர தொழில் நிறுவனங்கள் துறை முதலீட்டு ஊக்குவிப்பு மற்றும் கண்காணிப்பு வாரியத்தால் மதிப்பாய்வு செய்யப்படும். இது தமிழ்நாடு வர்த்தக வசதி சட்டம், 2018–-ன் கீழ் அமைக்கப்பட்டுள்ளது.