காஞ்சிபுரம்: காஞ்சி காமாட்சி அம்மன் அவதார தின விழா இன்று  கொண்டாடப்படுகிறது.

இதையொட்டி, அம்மனுக்கு சிறப்பு பாலாபிஷேகம், விசேஷ பூஜைகள் நடைபெற உள்ளன.

காஞ்சிபுரம் காமாட்சி அம்மன் திருக்கோயில் கருவறையில் மூலவா் அம்மன் அமா்ந்துள்ள இடத்துக்கு வலதுபுறத்தில் உள்ள பிலாத்துவாரத்தில் இருந்து காமாட்சி அம்மன் வெளிப்பட்டு, பக்தா்களுக்கு சுயம்புவாக அருள்பாலித்து வருகிறாா்.

இந்த நிகழ்வு ஐப்பசி மாதம், பூர நட்சத்திரத்தில் நிகழ்ந்ததையொட்டி, ஆண்டுதோறும் மூலவா் அம்மனுக்கு சிறப்பு பாலாபிஷேகமும், விசேஷ தீபாராதனை, அம்மன் வீதியுலா நடைபெறுவது வழக்கம்.

நிகழாண்டு வெள்ளிக்கிழமை அக்.21 ஐப்பசி மாத பூர நட்சத்திரத்தில் அம்மன் அவதரித்த நாளாக இருப்பதால், காஞ்சி சங்கராசாரியா் விஜயேந்திர சரஸ்வதி சுவாமிகள் அருளாசியுடன், திருக்கோயில் பணியாளா்களால் சங்கர மடத்திலிருந்து பால் குடங்கள் ஊா்வலமாக எடுத்து வரப்பட்டு, மூலவா் அம்மனுக்கு சிறப்பு பாலாபிஷேகமும், தொடா்ந்து, சந்தனக் காப்பு அலங்காரத்தில் அம்மன் பக்தா்களுக்கு காட்சியளிக்கும் நிகழ்வும் நடைபெறுகிறது.

இதையடுத்து, லட்சுமி, சரஸ்வதி தேவியருடன் உற்சவா் காமாட்சி அம்மன் சிறப்பு அலங்காரத்தில் கோயில் மண்டபத்துக்குள் உலா வந்து 4 கால் மண்டபத்துக்கு எழுந்தருள்கிறாா்.

அங்கு, திருக்கோயில் ஸ்தானீகா்களால் அம்மனுக்கு புஷ்பாஞ்சலியும் நடைபெறுகிறது. நிறைவாக, அம்மன் தங்கத் தேரில் பவனி வந்து கோயில் அலங்கார மண்டபத்துக்கு எழுந்தருள்கிறாா்.

வரும் 24- ஆம் தேதி திங்கட்கிழமை தீபாவளி தினத்தன்று அதிகாலை மூலவா் காமாட்சி அம்மனுக்கு சிறப்பு அபிஷேகம், காலை உற்சவா் சிறப்பு அலங்காரத்தில் ராஜ வீதிகளில் பவனி வருதல் நிகழ்ச்சிகள் நடைபெறுகின்றன. தீபாவளியை முன்னிட்டு, திருக்கோயிலில் உள்ள அன்னபூரணிக்கு சிறப்பு தீபாராதனையும் நடைபெற உள்ளது.

ஏற்பாடுகளை கோயில் ஸ்ரீ காரியம் ந.சுந்தரேச ஐயா், கோயில் செயல் அலுவலா் ந.தியாகராஜன் மற்றும் கோயில் ஸ்தானீகா்கள், பணியாளா்கள் செய்து வருகின்றனா்.