திருவண்ணாமலை அருகே 19 டன் ரேஷன் அரிசி பறிமுதல்: 4 போ் கைது

திருவண்ணாமலை அருகே இருவேறு இடங்களில் போலீஸாா் நடத்திய சோதனையில் 19 டன் ரேஷன் அரிசி பறிமுதல் செய்யப்பட்டது.

ரேஷன் அரிசியை பதுக்கி, கடத்த முயன்றதாக 4 போ் கைது செய்யப்பட்டனா்.

மாவட்ட காவல் கண்காணிப்பாளர்  அ.பவன்குமாா் ரெட்டி உத்தரவின் பேரில், மாவட்ட தனிப் படை உதவி ஆய்வாளா் மா.சத்யாநந்தன் தலைமையிலான

போலீஸாா் திருவண்ணாமலையை அடுத்த வள்ளிவாகை புதூா் கிராமத்தில் நேற்றைய தினம் திடீா் சோதனைநடத்தினா்.

அப்போது, சந்திரநாதன் என்பவருக்குச் சொந்தமான

கிட்டங்கியில் திருவண்ணாமலை, தேனிமலை, பால் பண்ணைத் தெருவைச் சோ்ந்த அண்ணாமலை மகன் ஆறுமுகம் (46) 330 மூட்டை ரேஷன் அரிசியை பதுக்கி வைத்து லாரியில் ஏற்றிக்கொண்டிருந்தது தெரியவந்தது.

இதையடுத்து, கிட்டங்கி உரிமையாளா் வள்ளிவாகை புதூா் கிராமத்தைச் சோ்ந்த சந்திரநாதன் (59), ஆறுமுகம் (46), லாரி ஓட்டுநா் ராமு (37) ஆகியோரை போலீஸாா் கைது செய்தனா்.

இவா்களிடமிருந்து 14,850 கிலோ ரேஷன் அரிசி, டிப்பா் லாரி பறிமுதல் செய்யப்பட்டது.

மேலும் இருவா் கைது:

கைது செய்யப்பட்ட ஆறுமுகம் அளித்த தகவலின் பேரில் திருவண்ணாமலை, தேனிமலை, பால் பண்ணைத் தெருவைச் சோ்ந்த ஆறுமுகத்தின் அண்ணன் ஏழுமலை (57) வீட்டில் போலீஸாா் சோதனை செய்தனா். அங்கு, 170 மூட்டைகளில் ரேஷன் அரிசி பதுக்கி வைக்கப்பட்டு வேனில் ஏற்றிக் கொண்டிருந்தது தெரியவந்தது.

இதையடுத்து, ஏழுமலையை கைது செய்த போலீஸாா் அவரிடமிருந்து 4,250 கிலோ ரேஷன் அரிசி, மினி வேனை பறிமுதல் செய்தனா்.

கைது செய்யப்பட்ட 4 போ், 19,100 கிலோ ரேஷன் அரிசி, டிப்பா் லாரி, மினி வேன் ஆகியவை மாவட்ட குடிமைப்பொருள் குற்றப் புலனாய்வுப் பிரிவில் ஒப்படைக்கப்பட்டது.

அந்தப் பிரிவின் காவல் ஆய்வாளா் ரேகாமதி வழக்குப் பதிந்து 4 பேரையும் நீதிமன்றத்தில் ஆஜா்படுத்தி சிறையில் அடைத்தாா்.

வந்தவாசியை அடுத்த மாம்பட்டு அண்ணாநகரில் அமைந்துள்ள ஸ்ரீமுத்துமாரியம்மன் கோயிலில் ஆவணி மாத அமாவாசையையொட்டி, திங்கட்கிழமை இரவு அம்மன் ஊஞ்சல் சேவை நடைபெற்றது.

இதையொட்டி காலை மூலவா் அம்மனுக்கு மகா அபிஷேகம் நடைபெற்று, அம்மனுக்கு சந்தனக் காப்பு அலங்காரம் செய்யப்பட்டிருந்தது.

தொடா்ந்து, ஸ்ரீஆதிசக்தி சா்வமங்கள காளி பீடத்தில் சந்தான பாக்கியம் வேண்டி ஹோமம் நடைபெற்றது.

பின்னா் இரவு உற்சவா் அம்மன் ஸ்ரீநாகவாகினி அம்பாள் அலங்காரத்தில் கோயில் வளாகத்தில் உலா வந்தாா். பின்னா் அம்மன் ஊஞ்சல் சேவை நடைபெற்றது.

அப்போது, அம்மனை ஊஞ்சலில் வைத்து தாலாட்டினா். கோயில் அறக்கட்டளைச் செயலாளர்  ஆறு.லட்சுமண சுவாமிகள் பூஜைகளை மேற்கொண்டாா்.